深仔：上星期六，終於輪到我單獨同爸爸去街街喇！
O仔：契爺，你遲到！
深仔：我哋上黎森林坊做咩呀？
O仔：搵Helen姨姨學整餅囉！
深仔：係喎！擺好哂陣囉喎！
深仔：都唔算難整，等爸爸練習下，點樣將蕃薯餡料搓實先！
深仔：呢幾個係同爸爸同組嘅Coby姨姨整嫁！爸爸未瞓醒咁（惡爸：今朝好早起身，唔夠瞓呀！），Helen姨講時佢就瞓，瞓醒就死問問題，拖慢哂啲進度！
深仔：有相為證；姨姨講書時，爸爸就顧住睇筆記！你哋睇下契媽幾專心聽書！
深仔：但係又吹爸爸唔脹，理論課慢幾拍，實習課就最快，仲要唔係是是旦旦喎！
奮戰左個零鐘，終於攪掂，左邊六個係爸爸整嘅，右邊六個係Coby姨姨嘅！
入爐喇！
先焗八分鐘！
喺等嘅時候，我唯有坐埋一邊，唔似O仔同金金咁，走黎走去；我係咪好乖呢？
（惡爸：係！扮得幾好吖！）
最後工序，掃蛋槳，再焗多八分鐘就禮成！
似喇！似喇！似月餅喇！
放涼，回油，廿四小時後食得！
影返張同學合照先（左至右）：杜麗，惡爸，契媽Josephine，奶媽Coby
加埋老師Helen姨姨
深仔：多謝姨姨冒險少左生意都肯開班教爸爸整餅，以後成日有得食囉！
