肥妹：上星期四，爸爸一早就幫人哋沖涼，仲做埋美白，攪左一大輪，原來要帶我出街；去邊？去森林探險囉！

原來係森林坊嘅Helen姨姨係旺角開左門市，開幕禮嗰日，爸爸懵到無左件事，無出席不特只，連花籃都無個，幾過份呀！唯有補鑊，帶我去探班！

爸爸仲叫埋契妹咖哩一齊踩旺個場喎！

咖哩：我鍚鍚契爺咋！唔好追殺我呀！

肥妹：有無問過我先？

咖哩：哥哥（小白），落黎玩啦！唔好成日痴住Irene姐姐啦！

肥妹：咦？有發現！

咖哩：係咪有嘢食呀？契爺！

肥妹：仲使問？好危險呀！

咖哩：？？？？

肥妹：又鮮奶撻，又曲奇，又香蕉藍莓蛋糕，仲有大人食嘅芝士蛋糕，食哂咪肥死？

肥妹：爸爸話要同Helen姨姨合照先喎！

肥妹：但係姨姨話要爸爸都一齊影，報酬係我同咖哩同小白有蛋糕食，Yeah~~~~~!

肥妹：係咪好想上去買Home Made食物俾寶貝呢？好易搵嫁咋，係旺角太平道同亞皆老街交界，有一間叫成功車行，就係正樓上二樓，個大廈入口就對正亞皆老街，一啲都唔難搵；如果帶埋狗狗上去，樓下管理員會好有禮貌話你知，去啱地方！

肥妹：爸爸話我食左姨姨請嘅蛋糕，要幫姨姨做下嘢喎！咁又啱嘅！等我介紹下森林坊黎緊會有咩節日食物先！

登！登！登！登！就係焗製嘅狗狗月餅喇！月餅係焗製，唔同上年嘅冰皮，但係就一樣係迷你月餅大小（約5cm x 5cm一個）；訂購詳情請點擊上面幅圖睇；爸爸話黎緊會好忙，而且森林坊已經有門市，今次就唔攪集體訂購，有興趣就聯絡姨姨喇！記得九月十六日截止訂購喎！