香港新浪網 MySinaBlog
« 上一篇 | 下一篇 »
阿惡 | 29-Jun-08 | 白滑三寶 | (439 Reads)

Picture

深仔:我做咩要戴頭套?因為...........

話說呢幾個星期,落雨嘅日子比天晴嘅日子多,一有好天,爸爸就會帶我哋去狗公園玩個痛快;上星期五晚,爸爸帶我哋去玩,仲一玩玩左成三個幾鐘,我好落力咁追擊一眾大狗,過程中我大大話話跑左兩個鐘,打左無數個斛斗,臨走時餅餅媽已經發現我隻左手仔有啲唔妥,但係爸爸實在上過我哋唔少當,當時無為意;到左星期六朝早,我隻手仔開始好唔舒服,爸爸同雲姨姨都發現我隻手仔唔掂地,爸爸幫我仔細檢查,應該係我跑嘅時候扭傷手指,不過雲姨姨想睇下我隻手仔點,我都唔肯;爸爸觀察左兩日,覺得唔多對路,就決定星期一帶我見獸醫

星期一下晝,爸爸約好時間帶我見吳醫生,出門口之前,爸爸慎防我玩嘢,去到診所又咩事都無,幫我再仔細檢查多一次;爸爸按清楚每一個部份,甚至用手指檢查腳掌肉墊每一個位,除左一隻手指仔有啲腫,就無其他特別;但係當吳叔叔幫我檢查時,我又發揮我深仔玩嘢本色,不論叔叔掂我邊個位我都慘叫兼縮手,爸爸就梗係唔會上當,即場幫叔叔手同我檢查,結果肯定係第一隻手指扭傷;叔叔開左啲止痛藥俾我,又同爸爸講,我要戴頭套,但係爸爸知我好憎個頭套,戴左之後有時我會專登用個頭套撞爸爸對腳,所以爸爸見我唔係咁嚴重,都無要我戴

誰不知我覺得手指唔舒服,不時舔手指,結果........

Picture

手指中間生左個一厘米直徑嘅腳瘡,我覺得唔舒服,就咬爆左個瘡,攪到個傷口含膿

爸爸即刻幫我消毒傷口同搽藥,到左星期四朝早,爸爸見個傷口無好轉,再幫我洗多次傷口同搽傷;到夜晚,個傷口仍然流膿,爸又再洗多次,不過呢次爸爸試下唔搽藥;到星期五朝早,個傷口仍然好痛,爸爸嬲嬲地,全日一得閒就幫我洗傷口,足足洗左四五次;到星期六朝,個傷口終於叫做好啲,無再流膿,但係爸爸始終唔放心,再帶我見吳叔叔,今次要食抗生素,仲要食兩個星期,爸爸話個傷口一日未好返哂都唔會幫我除頭套,仲要無得出街呀!

留言(16) | 引用(0) | 話題()

[1]

陰公喎, 咁你唔好再舔手指仔喇. 忍吓啦. 好番就唔駛帶頭套傢啦. 希望你快啲好番.


[引用] | 作者 4隻八卦豬 | 29-Jun-08 | [舉報垃圾留言]

[2]

慘囉! 原本冇咩事, 點知越攪越大鑊! 深仔你要乖乖地唔好再整傷隻痛手喇, 知冇?

Nut Nut
[引用] | 作者 Nut Nut | 29-Jun-08 | [舉報垃圾留言]

[3]

深仔, 你唔駛旨意有得除頭套, 你確實有勁"lam"手記錄


[引用] | 作者 枕頭媽媽 | 29-Jun-08 | [舉報垃圾留言]

[4]

喇叭牌正怒狗!

金婆婆
[引用] | 作者 金婆婆 | 29-Jun-08 | [舉報垃圾留言]

[5] Re: 4隻八卦豬
4隻八卦豬 :
陰公喎, 咁你唔好再舔手指仔喇. 忍吓啦. 好番就唔駛帶頭套傢啦. 希望你快啲好番.

家陣全日只會係深仔食飯時至可以除頭套,一食完就要戴返,希望兩個星期會好返哂啦!

阿惡
[引用] | 作者 阿惡 | 29-Jun-08 | [舉報垃圾留言]

[6] Re: Nut Nut
Nut Nut :
慘囉! 原本冇咩事, 點知越攪越大鑊! 深仔你要乖乖地唔好再整傷隻痛手喇, 知冇?

唉~~~!無啦啦整個疤,俾佢激死!我情願用一千蚊同佢哋去玩,好過做醫藥費!

阿惡
[引用] | 作者 阿惡 | 29-Jun-08 | [舉報垃圾留言]

[7] Re: 枕頭媽媽
枕頭媽媽 :
深仔, 你唔駛旨意有得除頭套, 你確實有勁"lam"手記錄

呵呵!你都好瞭解深仔咁噃!

阿惡
[引用] | 作者 阿惡 | 29-Jun-08 | [舉報垃圾留言]

[8] Re: 金婆婆
金婆婆 :
喇叭牌正怒狗!

係喇叭牌正衰仔!無啦啦使成千蚊睇醫生,徙哂啲錢!

阿惡
[引用] | 作者 阿惡 | 29-Jun-08 | [舉報垃圾留言]

[9]

乖乖做喇叭牌深仔喇, 都幾cute吖!


[引用] | 作者 Nikita | 30-Jun-08 | [舉報垃圾留言]

[10] Re: Nikita
Nikita :
乖乖做喇叭牌深仔喇, 都幾cute吖!

哈哈哈!喇叭牌呂漢深!正!可惜東京得正露丸,無三寶係身邊,我失眠呀!

阿惡
[引用] | 作者 阿惡 | 30-Jun-08 | [舉報垃圾留言]

[11]

深仔,你要乖乖地,唔好再lam手手喇!


[引用] | 作者 2S | 01-Jul-08 | [舉報垃圾留言]

[12] Re: 2S
2S :
深仔,你要乖乖地,唔好再lam手手喇!

佢肯乖,我就唔使煩囉!

阿惡
[引用] | 作者 阿惡 | 01-Jul-08 | [舉報垃圾留言]

[13]

深仔而家有無好d呀? 佢咁唔鍾意戴頭套, 如有人睇實, 咪唔好戴頭套住, 之後先戴返, 祝早日康復!
響惡爸去旅行你先整親, 實擔心屎爸爸!


[引用] | 作者 momo | 02-Jul-08 | [舉報垃圾留言]

[14]

堔仔現在手隻好番未呀,食了藥應該也會好,祝堔仔快d好番可以去玩啦^_^


[引用] | 作者 coby | 02-Jul-08 | [舉報垃圾留言]

[15] Re: momo
momo :
深仔而家有無好d呀? 佢咁唔鍾意戴頭套, 如有人睇實, 咪唔好戴頭套住, 之後先戴返, 祝早日康復!響惡爸去旅行你先整親, 實擔心屎爸爸!

叫佢stop,佢咪停一停望一望,跟住繼續舔;不過啱啱係webcam見到佢,好返哂咁滯咯!不過啲抗生素要食到下星期!

阿惡
[引用] | 作者 阿惡 | 03-Jul-08 | [舉報垃圾留言]

[16] Re: coby
coby :
堔仔現在手隻好番未呀,食了藥應該也會好,祝堔仔快d好番可以去玩啦^_^

好得七七八八咯!不過抗生素就算好返都要食哂全個course至得!

阿惡
[引用] | 作者 阿惡 | 03-Jul-08 | [舉報垃圾留言]